Париз, 11 јуни 2025 (МИА) - ПСЖ може да го продаде голманот Џанлуиџи Донарума во летниот преоден рок, објави „La Repubblica“.

Двете страни не можат да најдат заеднички јазик за нов договор. Актуелниот договор на 26-годишниот голман со парижаните истекува  летото 2026. Клубот за неговиот трансфер бара 40 милиони евра.

Претходно беше објавено дека за услугите на Донарума се заинтересирани Манчестер сити и Манчестер јунајтед.

Минатата сезона голманот одигра 40 натпревари на сите турнири, прими 39 гола и 12 ја зачува мрежата чиста. зс/

Фото: ЕПА