Професори од УКЛО-Битола вклучени во едукативна програма „Родум од Македонија“
- Студенти од САД, Канада, Велика Британија и од Швајцарија, учесници во програмата Birthright Macedonia односно Родум од Македонија, го посетија Универзитетот „Св.Климент Охридски“-Битола.
![Професори од УКЛО-Битола вклучени во едукативна програма „Родум од Македонија“](https://mia.mk/images/20221113174053_big_730x400_95.webp )
Битола, 7 јули 2022 (МИА) - Студенти од САД, Канада, Велика Британија и од Швајцарија, учесници во програмата Birthright Macedonia односно Родум од Македонија, го посетија Универзитетот „Св.Климент Охридски“-Битола.
На приемот што го приреди проректорот проф. д-р Игор Неделковски, учесниците информираа дека програмата „Родум од Македонија“ прв пат се реализира и во Битола каде активно учествуваат професори, студенти, институции и организации од Битола.
![thumbnail_1](/articles/images/%d0%bf%d1%80%d0%be%d1%84%d0%b5%d1%81%d0%be%d1%80%d0%b8-%d0%be%d0%b4-%d/8IJGsOa0I/placeholder.webp?use_watermark=0)
Програмата „Родум во Македонија“ во земјава ја организираат Македонскиот центар за меѓународна соработка (МЦМС) и Обединетата македонска дијаспора (ОМД), а во Битола вклучен е Битолски Конзорциум од професори, невладини организации и поддржувачи, во кои се вбројуваат проф. д-р Мимоза Богданоска Јовановска и невладините организации Центар за Локални Иницијативи Битола, Организација на жени Битола, Инова Лаб Битола и други.
Гостите студенти за време на престојот во Битола ќе ги посетат Управа за јавни приходи – Регионален директорат во Битола, Битолска лабораторија, Ректоратот на УКЛО и градоначалникот на Општина Битола, Тони Коњановски. мт/сст/