Лондон, 7 октомври 2023 (МИА) – Раководството на Премиер лигата одлучи редовно да  ги објавува преговорите меѓу судиите и ВАР до крајот на сезоната.

Оваа одлука е донесена по случувањата на натпреварот помеѓу Ливерпул и Тотенхем (1:2), каде судиите направија неколку грешки, кои беа препознаени од здружението на англиски судии.

Аудиото ќе се појавува на редовните телевизиски програми и ќе се емитува и во Велика Британија и низ целиот свет. Следниот пат кога тоа ќе се случи е вторник, 10 октомври.

Заедно со Мајкл Овен, шефот на судиската организација, Хауард Веб, ќе анализира и објасни некои од важните судиски одлуки донесени во натпреварите од последните кола. зс/

Фото: ЕПА