Крива Паланка, 5 август 2024 (МИА) - Почна пријавувањето за манифестацијата „Фудбал за сите 2024", која ќе трае до 16 август, што се одржува под покровителство на Општина Крива Паланка.

-Ја најавуваме омилената спортска летна фудбалска дружба за најмладите „Фудбал за сите" што че се одржи во период од пет дена, односно од 19 до 23 август на градскиот стадион. Манифестацијата на едно место ќе обедини повеќе од двесте млади љубители на спортот. Оваа година манифестацијата ќе се реализира во соработка со Општински сојуз на училишен спорт Крива Паланка, информираат од Службата за комуникација со јавност во Општина Крива Паланка.

Сите дечиња на возраст од 6 до 11 години можат да се пријават за учество кај одговорните од Општинскиот сојуз на училишен спорт Крива Паланка, Жаклина Јовановска и Билјана Јовановска.

-Општина Крива Паланка продолжува со низата активности со кои уште еднаш јасно се потврдува дека е град пријател на младите и спортот, посочија од општината.ид/фф/

Фото: Општина Крива Паланка