Велес, 26 февруари 2026 (МИА) - Средства за смирување на сообраќајот, познати како „лежечки полицајци", поставени се во велешката приградска населба Превалец. Со цел спречување на заобиколување на препреките поставени се и столпчиња помеѓу, со што дополнително се зголемува безбедноста,информира денеска градоначалникот Марко Колев.

-Безбедноста на сите учесници во сообраќајот останува приоритет во работењето на општината, потенцира Колев.

Претходно, минатата недела  беа поставени  нови „лежечки полицајци"  и на улицата кај Стар мост. 

Колев информира дека ги ставиле на оваа улица  затоа што оваа точка беше критична поради фреквентниот сообраќај и движење на пешаците, но со измената на законските прописи се овозможи надминување на овој проблем.

Воедно и тука дополнително, поставени се и столпчиња помеѓу препреките, со цел избегнување на нивно заобиколување.ад/са/

Фото Општина Велес