Полска нуди основна воена обука за нејзините граѓани
- Курсот ќе се состои од учење како да се ракува со оружје, како да се пука, ограничување на противници во блиска борба и вештина за читање географски карти
![Полска нуди основна воена обука за нејзините граѓани](https://mia.mk/images/20221113230623_big_730x400_7.webp )
Варшава, 26 септември 2022 (МИА) - Полската војска ќе им понуди основен еднодневен курс за обука на граѓаните од 18 до 65 години, информираше Министерството за одбрана.
Курсот ќе се состои од учење како да се ракува со оружје, како да се пука, ограничување на противници во блиска борба и вештина за читање географски карти.
Ќе се одржува во октомври и ноември, секоја сабота во 17 воени бази. Може да присуствуваат само граѓани на Полска.
Како што пишуваат дел од медиумите, војната во Украина повторно ги стави во фокус долгогодишните планови на земјата, чија цел е да го зголеми бројот на полските војници.
Полската војска сега има 110.000 војници, со дополнителни 30.000 машки и женски лица во рамки на Територијалните одбранбени сили. Владината цел е да се зголемат бројките на 250.000 професионалци и 50.000 припадници на Територијалните одбранбени сили. бд/паг/