Полицијата исели 400 мигранти од напуштено училиште во шпанскиот град Бадалона
Мадрид, 17 декември 2025 (МИА) – Полицијата во шпанскиот град Бадалона денеска исели околу 400 мигранти без документи од напуштено училиште.
Суд оцени дека училишната зграда во Бадалона, североисточна Шпанија, е небезбедна. Но, не изречи никаква мерка за изнаоѓање на сместување за мигрантите.
Полициската акција помина мирно, а приведени се 18 луѓе под сомнение дека претстојуваат во Шпанија без дозвола.
Мигрантите, воглавно од Сенегал и Гамбија, во училиштето се вселиле во 2023 година, а преживувале главно од продавање на отпаден метал. Некои од мигрантите имале дозвола за претстој и работа, но не можеле да си дозволат дом.
Градската власт на Бадалона понуди привремен смештај за околу 30 луѓе. Додека регионалната служба на Каталонија ќе згрижи уште 60 лица.
Иселувањето на мигрантите е на барање на градоначалникот на Бадалона, Ксавијер Гарсија Албиол, кој тврди дека сквотот претставува „опасност по јавната безбедност“. ми/ссм/
фото: МИА архива
