Торино, 25 јули 2024 (МИА) - Ѕвездата на Јувентус, Пол Погба призна дека е „тешко“ да се остане настрана откако му беше изречена четиригодишна суспензија поради допинг и истакна дека „се фокусира на да остане во форма“.

Триесет и едно годишниот француски играч од средниот ред нема одиграно ниту една минута професионален фудбал од септември 2023 година, откако италијанскиот НАДО му изрече четиригодишна суспензија по позитивен допинг тест. Оттогаш тој е суспендиран од Јувентус и е на минимална плата.

Погба поднесе жалба до Судот за спортска арбитража во обид да ја укине неговата четиригодишна забрана, која трае до есента 2027 година.

Зборувајќи за „Форбс“, Погба ги истакна личните тешкотии на забраната и како се чувствува додека седи на страна и ги гледа своите соиграчи од Јувентус и Франција од трибините.

-Тешко е да се биде целосно искрен. Фудбалот е дел од мојот живот онолку долго колку што се сеќавам. Сепак, имам семејство, мојата вера, моите пријатели и моите навивачи да ме поддржуваат, што ги прави работите полесни. Сè ќе биде во ред, истакна халфот.

Тој потоа даде кратко ажурирање за неговата жалба и неговата желба да се врати на теренот.

-Иако не можам да зборувам премногу за тоа, сите патишта водат до датумот за жалба. Дотогаш, мојата цел е да останам во форма и да ја очекувам одлуката, порача поранешниот играч на Манчестер јунајтед. дс

Фото: Архива