Скопје, 21 јануари 2026 (МИА) - Швајцарската агенција за развој и соработка (SDC) и Швајцарската национална научна фондација (SNSF) отворија повик за доставување предлози во рамките на програмата SOR4D (Solution Oriented Research for Development), чија цел е да произведе знаења и иновативни практични решенија за одржлив развој преку трансдисциплинарни истражувања.

Како што објави Министерството за образование и наука, повикот е отворен од 19 јануари до 18 мај 2026 година и е наменет за меѓународни конзорциуми со учество на швајцарски институции и партнери од земји во развој.

Повеќе информации се достапни на линкот https://www.snf.ch/en/A7KYBOFbiGirvsj1/news/new-solution-oriented-research-for-development-sor4d-call-launched  хс/дма/

Фото: принтскрин / www.snf.ch