Доха, 30 ноември 2024 (МИА) - Со победа на Оскар Пјастри попладнево заврши спринтот на 23-та етапа на Формула 1 од сезоната 2024 година за Големата награда на Катар. 

Второто место му припадна на Ландо Норис (Мекларен) кој 19 круга ги заврши со 0,136 секунди заостанување зад клупскиот колега.

Третото месо му припадна на Џорџ Расел (Мерцедес) +0,410 секунди.

Од 4 - 10. место се пласираа: Карлос Саинц (Ферари), Шарл Леклер (Ферари), Луис Хамилтон (Мерцедес), Нико Хулкенберг (Хас), Макс Верстапен (Ред Бул), Пјер Гасли (Алпин) и Кевин Магнусен (Хас). 

Главната трка за Големата награда на Катар ќе се вози утре со почеток во 17 часот. зс/

Фото: ЕПА