Петмина македонски пингпонгари настапија на меѓународен турнир во Австрија
- Во Линц, Австрија на меѓународниот турнир Raiffeisen Youth Championships 2022 во категориите У15 и У13, од 14 до 18 април учествуваа петмина македонски играчи од кои четири се репрезентативци
![Петмина македонски пингпонгари настапија на меѓународен турнир во Австрија](https://mia.mk/images/20221113114038_big_730x400_14.webp )
Скопје, 21 април 2022 (МИА) - Во Линц, Австрија на меѓународниот турнир Raiffeisen Youth Championships 2022 во категориите У15 и У13, од 14 до 18 април учествуваа петмина македонски играчи од кои четири се репрезентативци.
На турнирот земаа учество Александар Јакимовски од ППК Крива Паланка, Кристијан Каламадевски и Изабела Ковачовска од ППК Зегин Берово, Фани Јовановска од ППК Крушево и Лука Дворник од ППК Скопје Рисови.
Александар Јакимовски и Кристијан Каламадевски во екипниот дел се натпреваруваа заедно во категорија У15 и завршија со скор 2:7. Во поединечна категорија Александар Јакимовски се натпреваруваше во категорија У15 и заврши со скор 14:8, а Кристијан Каламадевски во категорија У13 и заврши со скор 1:15.
Фани Јовановска и Изабела Ковачовска во екипниот дел се натпреваруваа заедно во категорија У15 и завршија со скор 4:4, и успеаја во утешниот костур да го освојат второто место. Во поединечна конкуренција изненадија девојките освојувајќи две втори место на утешниот костур - Фани Јовановска во У13 конкуренција и Изабела Ковачовска во У15 конкуренција.
Единствениот Македонец кој успеа да се пласира на главната табела беше Лука Дворник во конкуренција машки екипно У15 заедно со соиграчот од Шри Ланка и тие заедно го завршија турнирот на 16. место. зс/
![пингпонари линц МЈ](/articles/images/%d0%bf%d0%b5%d1%82%d0%bc%d0%b8%d0%bd%d0%b0-%d0%bc%d0%b0%d0%ba%d0%b5%d0/a0sJMqX75/placeholder.webp?use_watermark=0)