Пендаровски на Самитот на НАТО: Трети страни сакаат да го наметнат своето влијание со хибридни закани и политички притисоци
- Во рамките на НАТО-самитот во Мадрид, претседателот Стево Пендаровски денеска учествуваше на третата работна сесија на состанокот на Северноатлантскиот совет.
![Пендаровски на Самитот на НАТО: Трети страни сакаат да го наметнат своето влијание со хибридни закани и политички притисоци](https://mia.mk/images/20221113170442_big_730x400_90.webp )
![Пендаровски НАТО самит Мадрид](/articles/images/%d0%bf%d0%b5%d0%bd%d0%b4%d0%b0%d1%80%d0%be%d0%b2%d1%81%d0%ba%d0%b8-%d0/9lL0xcALW/placeholder.webp?use_watermark=0)
Сесијата на ниво на шефови на држави и влади, со која претседаваше генералниот секретар на НАТО, како што информираат од кабинетот на Пендаровски, беше посветена на заканите и предизвиците кои произлегуваат од јужното соседство на НАТО.
Во своето обраќање претседателот Пендаровски истакна дека како што е наведено во Стратегискиот концепт на НАТО се соочуваме со глобални и меѓусебно условени закани. Тероризмот, потенцира претседателот, во сите негови форми и појави е најдиректната асиметрична закана за безбедноста на нашите народи, а особено го користат трети страни кои сакаат да го прошират нивното присуство и да го наметнат своето влијание преку хибридни закани и политички притисоци.
![Пендаровски НАТО самит Мадрид](/articles/images/%d0%bf%d0%b5%d0%bd%d0%b4%d0%b0%d1%80%d0%be%d0%b2%d1%81%d0%ba%d0%b8-%d0/5mgyAXY1w/placeholder.webp?use_watermark=0)
Во таа насока, претседателот Пендаровски истакна дека е потребно НАТО да продолжи со практичната поддршка и зајакнување на капацитетите на земјите партнери, како и продлабочување на дијалогот со земјите партнери на Алијансата, со меѓународните организации, ООН, ЕУ, и со другите релевантни регионални форуми и невладини организации.
Во дискусијата на состанокот, претседателот Пендаровски посочи дека ни е потребен широк консензус, со цел да развиваме функционална и предвидлива мултилатерална соработка, преку која ќе се овозможи мир и безбедност во 21 век. дма/са/