• недела, 16 јуни 2024

Пендаровски го повика Мицкоски на дуел

Пендаровски го повика Мицкоски на дуел

Скопје, 9 април 2024 (МИА) - На вечерашниот митинг во Делчево во интеракција со публиката, кандидатот за претседател Стево Пендаровски беше прашан околу најавените телевизиски дебати, односно дали и кога ќе се одржат истите. На ова Пендаровски образложи дека до овој момент не е договорено да се одржи ниту една дебата.

-Јас бев првиот од седумте кандидати кој уште пред 20 дена предложи т.н. мастер дебата. Сите седуммина, пред сите телевизии да имаме најмалку две соочувања пред првиот круг и тие што ќе поминат во вториот круг уште една потоа. Меѓутоа од страна на најголемата опозициона партија прво бевме одбиени бидејќи побараа двајца од кандидатите да не учествуваат. После се пишманија, меѓутоа потоа три од најголемите телевизии, најгледани телевизии во Македонија се откажаа, не знам од кои причини, рече тој.

Во овој контекст, Пендаровски потенцираше дека е подготвен да се соочи со опонентите во кое било време, на кој било терен, на која било телевизија.

-Меѓутоа, јас сакам вечерва да предложам да имаме вистински дуел, да има реален дуел, не фингиран дуел. Јас предлагам вечерва да излезам на дуел со Христијан Мицкоски, бидејќи очигледно тој е кандидат за претседател. Госпоѓата Силјановска не ја гледаме каде е, рече Пендаровски. нд/вј/

 

Остани поврзан