Лима, 10 октомври 2025 (МИА) – Парламентот на Перу со мнозинство гласови утрово изгласа отповикување на претседателката на земјата, Дина Болуарте.

- Постапката за отповикување на претседателката е одобрена, објави претседателот на парламентот, Хозе Хери, по кратката седница на која Болуарте не се појави, иако беше повикана.

Конгресот синоќа гласаше за започнување на постапка за смена на претседателката поради пукање на еден концерт во главниот град, Лима.

Инцидентот придонесе за зголемување на незадоволството поради криминалот во оваа јужноамериканска земја.

Протестите во Перу против претседателката Дина Болуарте се засилија во изминатите шест месеци. јт/

Фото: ЕПА