Париз, 16 јули 2020 (МИА) - Економистите на ОФЦЕ (Француската опсерваторија за економската коњуктура)  денес го обелоденија нивниот стимулативен план за Европската унија, кој предвидува инвестициска програма од 2000 милијарди евра во текот на 10 години, јави дописникот на МИА.

Ова непосредно пред утрешниот вонреден самит на лидерите на 27 -те земји членки на ЕУ, посветен на планот за закрепнување на економијата од 750 милијарди евра, економистите на ОФЦЕ, организација за јавно истражување поврзани со оваа пригода со германскиот институти ИМК и австрискиот WIIW , фаворизираат друг пристап.

За да ја обединат Европа што беше „распарчена“ за време на здравствената криза, според нив „прво мора да имате проект, пред да се поставува прашање за начинот на финансирање, изјави Жером  Крел, директор на одделот за студии на OФЦЕE, на прес-конференција.

-Главната цел на ЕУ не е буџетска дисциплина, тоа е мирот, просперитетот и подигање на животниот стандард на нејзиното население, додаде тој.

Цели кои, според економистите, се изгубени од видот во прилог на технички дебати за долговите, каматните стапки и др.

За да се постигне ова, трите институти претставуваат инвестициска програма од 2000 милијарди евра во текот на 10 години, од кои три четвртини ќе бидат посветени на финансирање на „големи паневропски проекти“. Предводник на проектот, по цена од 1100 милијарди евра, Ултра брз воз (250-350 км на час), кој би поврзувал скоро 20000 км и ќе ги поврзе сите европски метрополи преку создавање на четири нови линии кои се движат од Лисабон до Хелсинки, од Берлин до Никозија или  одМалта до Брисел.

Целта е тројна: да се стигне доцнењето зад  Кина, Европа има „многу малку линии со голема брзина“; зајакнување на европската кохезија со намалување на времето за транспорт (Париз и Берлин за четири наместо осум часа); за што треба да се работи во оваа насока со Европскиот зелен пакт, чија цел е неутралност на јаглеродот до 2050 година, оваа мрежа има за цел да ги замени воздушните врски помеѓу главните градови. Друг предлог е да се формира европска агенција за јавно здравје, со буџет од 20 милијарди евра годишно, со цел да се поправи „сјајното отсуство на стратегија за јавно здравје во ЕУ за време на кризата во Ковид“.

Планот предвидува „дополнително континуирано образование“ за европскиот медицински персонал со цел да се зајакнат и усогласат нивните знаења и вештини, да ја зголемат нивната мобилност меѓу земјите-членки и на тој начин „подобро да се поклопат понудата на нега и побарувачка за време на здравствен шок“ .тг/