Рим, 6 јануари 2025 (МИА) - Папата Франциск денеска именуваше кардинал, кој го критикуваше Доналд Трамп, за надбискуп во Вашингтон, округ Колумбија, неколку дена пред Трамп да биде инаугуриран за претседател на САД.

Од 2015 година кардиналот Роберт Мекелрој (70) бил бискуп на Сан Диего. Тој го заменува кардиналот Вилтон Грегори, кој ја водеше надбискупијата во Вашингтон од 2019 година и се пензионира.

Во првата администрација на Трамп, Мекелрој остро го критикуваше неговиот план да започне кампања за масовна депортација во која ќе бидат вклучени милиони имигранти кои живеат во САД. Во статија од 2017 година Мекелрој ги повика Американците да ги блокираат плановите, а подоцна изјави за католичко списание дека католиците „не можат само да стојат на страна и да гледаат како луѓето се депортираат“. рп/

Фото: ЕПА