Во информацијата за МИА, Далиборка Златева претседател на ова здружение, потенцира дека домот е отворен во рамки на проектот "Заедно за повеќе можности и поддршка"-ТИМОР на невладината организација CeProSARD кои ја овозможија реконструкцијата на домот, вработувањата на асистентите за поддржано живеење и стручниот тим на услугата, на кои им искажа голема благодарност за подршката.

Таа  искажа голема благодарност и до МТСП и министерката Јованка Тренчевска за поддршката во досегашниот процес на лиценцирање.

-Со деинституционализацијата на лицата со попреченост се овозможува нивна инклузија и им се дава можност и тие да го дадат својот придонес во општеството. Порачувам да ги надминеме сите предрасуди и да ги прифатиме овие лица како наши соседи и сограѓани. Воедно малиот групен дом на овие лица им дава можност да се чувствуваат како рамноправни жители на заедницата со нов дом кој не се разликува од домовите на нивните соседи, потенцира Златева.

-Горди сме на досегашниот постигнат успех на организацијата, поубав роденден не паметиме и не сме прославиле. Продолжуваме заедно посветено и во периодот кој следи го очекуваме отварањето на уште два дома од кои еден во општина Велес и еден во општина Градско. Да создадеме свет без бариери со еднакви можности за сите, потенцира Златева на денешното ставање во функција на малиот групен дом во Градско на кое присуствува меѓу другите и градоначалникот на општина Градско Киро Нацков, претставници од Специјалниот завод Демир Капија и претставници од Здружението.