Будимпешта, 16 февруари 2025 (МИА) - Европа е на надолна патека, а доказ за тоа е фактот што некогаш беше најголема економија во светот, а сега е трета, изјави денеска унгарскиот премиер Виктор Орбан.

Орбан истакна дека иднината не е во Европа, туку во регионите кои брзо се развиваат, вклучувајќи ги Блискиот Исток, Централна Азија и Кина, пренесува МТИ.

Коментирајќи ја руско-украинската војна, Орбан рече дека американскиот претседател Доналд Трамп би можел да потпише мировен договор во догледна иднина и додаде дека Трамп презел одлучувачки чекор и воспоставил контакти со рускиот претседател, а во моментов се договара сериозна средба. паг/

Фото: ЕПА