Општина Кисела Вода повикува да се почитуваат припадностите и определбите на луѓето
Скопје, 10 декември 2020 (МИА) - На одбележувањето на денешниот Меѓународен ден на човековите права, од Општина Кисела Вода повикуваат за еднаквост во почитувањето на правата на луѓето, без разлика на сексуалната ориентација, верската, етничката, родовата, политичката и друга припадност.
- Со секојдневно почитување на Универзалната декларација за човекови права донесена од Генералното собрание на Обединетите нации на 10 декември во 1948 година, успешно ќе продолжиме да создаваме држава без предрасуди. Нека е честит Меѓународниот ден на човековите права!, информираат од прес-службата на Општина Кисела Вода.фф/дма/
