Доха, 29 септември 2020 (МИА) - За време на Светското првенство во Катар 2022 година, иновативни технологии ќе се борат против високите температури. Тие ќе помогнат да се задржи температурата во рамките на стадионите околу 20 степени Целзиусови во текот на целата година, според „Спорт Експрес“. Натпревари од азиската Лига на шампионите се одржуваат во Катар од 14 септември. Повеќето од нив ќе се одржат на веќе изградени три стадиони - „Ал Џануб“, „Едукејшн Сити“ и Меѓународниот стадион Калифа. Температурите во Катар може да достигнат 40 степени овој месец. Играчите во ирански Персиполис, на пример, се загреваа со ќебиња на клупата за време на натпреварот против катарски Ал Сад. Употребата на системи за ладење на стадиони беше една од точките во обидот на Катар да биде домаќин на Светското првенство во 2022. Работата на имплементацијата на технологијата започна во 2010 година. Архитектурата и спецификациите на системите за ладење на секој стадион се различни. Дизајнерските карактеристики на арените се земени предвид, се користи рециркулација на ладен воздух и сите системи се дизајнирани во согласност со стандардите за одржливост и енергетска ефикасност. За да се создаде пријатна температура за навивачите и играчите, системите за ладење ќе бидат вклучени два часа пред почетокот на натпреварите. Светското првенство во Катар во 2022 година ќе се одржи од 21 ноември до 18 декември истата година