Скопје, 16 август 2024 (МИА) - Министерот за транспорт и врски Александар Николоски објави дека се обезбедени средства за плати за вработените во националната Пошта и во железничките претпријатија Инфраструктура и Транспорт. 

-Работите се менуваат – во време на СДСМ и ДУИ немаше плата, сега има! Денес плата ќе добијат вработените во Македонски Пошти, а вчера добија во Македонски Железници Инфраструктура. Од понеделник ќе има плата и за Железници Транспорт. Втор месец со ред има редовна плата, а од следниот месец нема да има проблеми за плата затоа што ќе стане ефективен ребалансот на буџетот. 4400 семејства го добиваат тоа што го сработиле. Знам дека многумина ќе речат дека исплата на плата е нормална работа, ама и тоа не беше така во времето на СДСМ и ДУИ, напиша Николоски во објава на Фејсбук.

Упатува честитки за менаџментот на Македонски Пошти, Железници Инфраструктура и Железници Транспорт и најавува дека „сега следи период на истраги и одговорност за претходното недомаќинско работење“. лв/нд/