Скопје, 14 септември 2025 (МИА) - На денешниот онлајн состанок на ИТКФ Шихан Каи комитетот беше донесена едногласна одлука за доделување на високи карате звања на истакнати членови на ИТКФ, соопшти Македонската традиционална карате федерација.

Венцислав Недев – 10 Дан, (највисокото карате звање), Дејан Недев – 7 Дан и Аљоша Недев – 7 Дан

Покрај нив, ИТКФ Шихан Каи комитетот ги одликува со високи звања и: Катсуја Ишијама (Венецуела) – 10 Дан, Вајо Салас (Перу) – 10 Дан, Крис Манце (Јужна Африка) – 9 Дан, Мигуел Вега (Перу) – 9 Дан

Сите добитници на високите карате звања се истакнати светски каратисти, инструктори, тренери и спортисти кои дале огромен придонес во развојот на ИТКФ и традиционалното карате во светот.

Сертификатите ќе бидат свечено доделени наредната година, за време на ИТКФ Светскиот шампионат кој ќе се одржи во Копер, Словенија. зс/

Фото: МТКФ