Скопје, 17 јануари 2022 (МИА) - Скопската православна епархија при МПЦ-ОА задутре на празникот Богојавление - Водици  ќе го организира традиционалното осветување на водите на реката Вардар и чинот на положување на Чесниот крст. Манифестацијата ќе се одржи на мостот „Слобода”, кај хотел „Холидеј ин”. -Ги замолуваме богољубивите Христијани, кои сакаат да земат учество во празничните богослужби, како и на оваа манифестација, да ги почитуваат препорачаните мерки за заштита од корона вирусот, информираа од Скопската православна епархија при МПЦ-ОА.свс/лв/