Париз, 6 декември 2023 (МИА) - УНЕСКО денеска одобри вклучување на „ифтар“ - вечера за време на муслиманскиот пост Рамазан - во листата на културно наследство на човештвото.

Поради Азербејџан, Иран, Узбекистан и Турција, „ифтар“ е вклучен како „нематеријално наследство“ во областа на „социјалната и културната традиција“.

Таа одлука ја донесе Меѓудржавниот комитет на УНЕСКО за зачувување на нематеријалното културно наследство, кој од понеделникот заседава во Касане, Боцвана.

„Ифтар во муслиманските земји се одржува на зајдисонце во текот на месецот Рамазан по завршувањето на сите верски и церемонијални обреди“, соопшти УНЕСКО.

Бидејќи го означува прекинот на постот, тој обично има форма на собир или оброк, ги зајакнува врските во семејството и заедницата и промовира взаемна помош, солидарност и социјална размена, соопшти Организацијата за образование, наука и култура при ОН.

Овој обичај се пренесува во семејството, па на децата и на младите често им се доверува подготовката на храната за тој оброк.

Во неколку муслимански земји „ифтар“ може да се одбележи со јадење урма или маслинка - како во Турција, што се консумира со вода или чај. Рецептите за јадења и колачи за тој оброк многу варираат од регион до регион. ссм/

фото: ЕПА архива