Дебар, 14 мај 2025 (МИА) – На граничниот премин „Блато“ на албанско – македонската граница, кај Дебар, албанската гранична полиција привела жител на Тирана, при обид да шверцува 412 литри гориво, од Македонија во Албанија.

- Полициски службеници од полициската станица за граничен премин и граничен надзор, при контрола на возилото „Мерцедес Бенц“, откри 17 канистери наполнети со 412 литри бензин и дизел, кои П.Ч.(54) жител на Тирана се обидувал да ги внесе во нашата земја, без да ги пријави. Горивото е запленето како материјален доказ, заедно со возилото, додека неговиот возач, е лишен од слобода. Тој ќе одговара за кривично дело „Криумчарење стока што подлежи на акциза“, стои во полициското соопштение. 

Се посочува дека службите на комесаријатот на граничната полиција - Пешкопеа, продолжува со засилени мерки на граничниот мониторинг и деталната контрола, со цел спречување и борба против прекуграничниот криминал.

Албанските граѓани, посебно оние од пограничните населени места долж албанско-македонската граница, редовно, гориво набавуваат во бензинските пумпи во Дебар, Струга и Ресен, поради пониската цена, но, како што и самите потврдуваат, повисокиот квалитет на горивата. вт/са/

Фото: албанско МВР