Јамусукро, 21 јануари 2025 (МИА) – Најмалку 15 лица загинаа, а 23 се повредени во судир на товарен камион и патнички автобус во Брегот на Слоновата Коска, соопштија локалните власти.

Двете возила се судриле во Понан-Оуинло, село во западниот дел на земјата, соопшти Националната служба за цивилна заштита во објава на Фејсбук, без да даде други детали за причината за насреќата.

Несреќите се вообичаени во западноафриканската земја поради дотраените патишта и опасното возење, при што годишно умираат над 1.000 луѓе, соопшти Министерството за транспорт.

Минатиот месец, 26 лица загинаа, а најмалку 28 беа повредени кога два минибуса се судрија и се запалија. јт/

Фото: Х