Киев, 9 август 2024 (МИА) – Руските сили денеска ракетираат супермаркет во украинскиот град Костјантиновка, во регионот на Доњецк. Нападот бил извршен додека во продавницата имало многу луѓе. На социјалните мрежи се шират снимки од нападот.

Најмалку 10 лица загинаа, а повеќе од 35 се ранети, соопшти Украинската канцеларија за вонредни ситуации. Се стравува дека под урнатините на продавницата има повеќе луѓе.

Украинските власти најавија дека ги утврдуваат сите последици од нападот.

„Нападот на супермаркетот во Костијантинивка е уште еден пример за руски терор. Сè што можат да направат е да убиваат цивили“, објави на Телеграм Андриј Јермак, шеф на кабинетот на украинскиот претседател Володимир Зеленски.

Russia has bombed a busy supermarket in the middle of a Friday afternoon.

Kostiantynivka. pic.twitter.com/axWfavcTTl

— Jay in Kyiv (@JayinKyiv) August 9, 2024

За ракетниот напад реагираше и самиот Зеленски, кој напиша дека многу луѓе се заробени под урнатините, додавајќи дека спасувачките служби „ќе направат се за да ги извлечат“.

„Русија ќе биде одговорна за овој терор“, додаде Зеленски.

Kostyantynivka, Donetsk region. Russian terrorists hit an ordinary supermarket and a post office. There are people under the rubble. A rescue operation is underway, and everything will be done to save them.

At the moment, it’s known that four people have been killed. My… pic.twitter.com/Sd9vrGTHTc

— Volodymyr Zelenskyy / Володимир Зеленський (@ZelenskyyUa) August 9, 2024

Антон Герашченко, советник во украинското Министерство за внатрешни работи, на мрежата Х напиша дека жена од Костјантиновка изјавила дека нејзината десетгодишна ќерка и деверот биле во супермаркетот во моментот на нападот и дека не се знае дали се живи.

Шефот на регионалната воена администрација изјави дека Русите го нападнале супермаркетот со ракета од типот Х-38.

Во нападот се оштетени девет продавници, пошта, девет приватни куќи, 12 изложбени павилјони и 12 автомобили.сд/