Скопје, 10 декември 2025 (МИА) - Во Малата сала на Филхармонијата вечер од 19:30 часот ќе биде промовирана книгата „Три лица на љубовта“ од авторот Митко Чешларов, во издание на Сигмапрес.

Се работи за мултимедијален проект составен од лирски записи, авторски песни и драмски текст преку кои се обработуваат теми за љубовта, осаменоста, копнежот ... Секоја композиција има свој лирски запис, а во книгата се вклучени и QR-кодови кои водат директно до сите досега снимени песни на официјалниот јутјуб-канал на авторот: https://www.youtube.com/@MitkoCheshlarov

Врз основа на текстовите во книгата досега се снимени осум авторски композиции, а проектот продолжува со создавање и снимање нови песни. 

Песните ги изведуваат: Мариана Бошковска, Ана Петановска, Горан Наумовски, Агни Авшар, Биба Додева, Жаклина Стевковска и Зорица Поп Панкова.

Автор на музиката и текстовите е Митко Чешларов, а автори на аранжманите на композиции се: Ангел Ќосев, Кристијан Габроски, Стефан Петановски, Давор Јордановски и Владимир Дојчиновски. хс/са/ 

Фото: плакат