Скопје, 1 ноември 2024 (МИА) - Музичкиот фестивал Андерфест ќе се одржи вечерва во Младинскиот културен центар (МКЦ) во Скопје,  со почеток од 20:00 часот.

На фестивалот ќе настапат музичари од алтернативната и рок енд рол сцена од нашата држава.

За шестиот Андерфест ќе настапат: Миа Перевска, Стефан Петановски, Basement Cult, The Mole Pack, Fiction, и Foolish Green.

- Еден од врвните приоритети на фестивалот сè уште е да ги мотивира младите уметници да продолжат да креираат нови музички дела со кои ќе ги покажат своите големи таленти и вештини и воедно ќе ја промовираат нашата музичка култура и вон границите на нашата држава, велат организаторите.

Карти за фестивалот можат да се купат во билетарницата на МКЦ или преку следниот линк https://bileti.mkc.mk/index.php?id=1408ир/са/