Мадрид, 9 јануари 2025 (МИА) – Фудбалерот од средниот ред на Реал Мадрид, Лука Модриќ, ќе го пропушти полуфиналето на шпанскиот Суперкуп против Мајорка, објави денес „Кралскиот клуб“.

- Лука Модриќ нема да може да учествува на денешниот натпревар против Мајорка поради вирусна болест. Ќе ги следиме промените“, се вели во соопштението на мадридскиот клуб.

Натпреварот ќе се одигра вечер од 20 часот на стадионот „Крал Абдула“ во Џеда, Саудиска Арабија.

Прв финалист е Барселона која вчера го победи Атлетик Билбао со 2:0. Головите ги постигнаа играчот од средниот ред Гави и напаѓачот Ламин Јамал. зс/

Фото: ЕПА