МНР: Нема настрадани македонски државјани во поплавите во Западна Европа
Скопје, 16 јули 2021 (МИА) - Министерството за надворешни работи со загриженост ги следи состојбите со поплавите во Западна Европа. Според информациите на нашите дипломатско - конзуларни претстваништва во погодените региони нема жртви државјани на Република Северна Македонија, соопшти МНР.
-Нашите државни конзуларни претставништва стојат на висина на задачата, отворени и во служба на државјаните на Северна Македонија кои живеат во погодените региони. Исто така, МНР е во постојана комуникација со домашните власти во земјите кои доживеа природна катастрофа. Според информациите на нашите ДКП-а во погодените региони нема жртви државјани на РСМ, се наведува во соопштението споделено и на фб статусот на шефот на дипломатијата Бујар Османи.
Од МНР посочуваат дека во случај на евентуално барање помош, нашите државјани можат да се јавуваат на следните телефонски броеви:
Берлин: +49 15255691603
Минхен: + 49 162925525
Хаг: + 31 6 38174907
Брисел: +32 27329108. вг/дма/
