Брисел, 4 јуни 2025 (МИА) - Министерот за одбрана Владо Мисајловски попладнево во Брисел учествува на состанокот на Контакт групата за одбрана на Украина, со кој претседаваат неговите колеги од Велика Британија и Германија, Џон Хејли и Борис Писториус. 

Контакт групата за одбрана на Украина, позната уште и како Рамштајн група, е сојуз на 57 земји -  сите 32 членки на НАТО и 25 други држави - и плус Европската Унија, кои како одговор на руската инвазија го поддржуваат Киев со испраќање воена опрема.  

На состанокот присуствува и украинскиот министер за одбрана Рустем Умеров. 

Заседанието на Контакт групата се одржува во пресрет на утрешниот состанок на министрите за одбрана на земјите членки на НАТО, на кои е предвидено да се разговара за новите цели на Алијансата за зајакнување на одвраќањето и одбраната, зголемување на инвестициите наменети за одбрана, поддршката за Украина и нуклеарното одвраќање. сп/

Фото: Министерство за одбрана