12 август 2022  Скопје - Претседателот Стево Пендаровски ќе се обрати на свечената церемонија на доделување на Наградата за младинско учество, што се доделува по повод Меѓународниот ден на младите. (Кабинетот на претседателот, Вила Водно/19:00, новинарските екипи да пристигнат во 18:45) Маврово - Првиот потпретседател на Владата и министер за политички систем и односи меѓу заедниците,  Артан Груби ќе учествува на доделување сертификати за учесниците на Школата за млади лидери „Peace Forum Dialogue” што се организира во рамки на 21-та годишнина од Охридскиот договор. (Radika Mountain Resort - Маврово/12.00) Скопје - Директорот на Агенција за храна и ветеринарство Николче Бабовски ќе одржи прес - конференција на која ќе информира за состојбата со болеста африканска чума кај свињите во земјава.(Агенција за храна и ветеринарство/12:00) Скопје - Прес-конференција на директорот на Агенцијата за млади и спорт, Наумче Мојсовски по повод  50-то издание на Меѓународниот Ракометен Турнир Струга 2022. (Агенција за млади и спорт, 8 кат/12:00) Скопје - Прикажување на јапонскиот филм „Тркало на среќата и фантазијата“ на Рјусуке Хамагучи.(Кинотека/20:00)  Бриони - Драмски театар Скопје со монодрамата „Кармен“ ќе учествува на фестивалот РУТА. (Отворена фестивалска сцена на Бриони во Хрватска) ___________________________________________________________________________ ***МИА ги објавува местото и времето на одржување на настаните и притоа не презема обврска за реизвестување доколку дојде до промена на најавените термини***