Лас Вегас, 25 октомври 2020 (МИА) - Еден од најголемите конкуренти на Хабиб Нурмагомедов - Конор Мекгрегор - испрати многу емотивна порака на социјалните мрежи по веста дека „Орелот“ ќе стави крај на својата кариера. Дагестанскиот борец го победи Џастин Гејџи на почетокот на втората рунда и потоа објави дека завршува со ММА. Конор почувствува дека се отвора „работно место“ за нов шампион во дивизијата и реши да го сврти вниманието кон себе, само овој пат со почит кон „кралот“.

Good performance @TeamKhabib.
I will carry on.
Respect and condolences on your father again also. To you and family.
Yours sincerely, The McGregors.

— Conor McGregor (@TheNotoriousMMA) October 24, 2020

„Добар настап, Хабиб. Јас ќе продолжам. Почит и сочувство за татко ти повторно. На тебе и твоето семејство. Искрено твој, семејство Мекгрегор", напиша Конор. Ирската суперѕвезда ќе се бори со Дастин Порие во јануари, но сега оваа борба може да биде за титулата во лесна категорија.