Скопје, 15 декември 2024 (МИА) - На Транспортен центар во Скопје, полициски службеници од Полициската станица Аеродром синоќа во 21.00 часот го лишиле од слобода Ц.Ш.(47) од Република Албанија. Тој се сомничи дека претходно во автобус на ЈСП Скопје извршил џепна кражба, при што од чанти на две жени од Скопје одзел паричници.  

Како што информираат денеска од МВР, со него бил извршен службен разговор и бил задржан во полициска станица. По целосно документирање на случајот и во координација со јавен обвинител, против него ќе биде поднесена соодветна пријава. сст/цр/

фото МИА архива