1 април 2025

СВР Тетово поднесе кривична пријава против С.М.(51) од Тетово поради постоење основи на сомнение за сторено кривично дело „уцена“. Пријавената, изминатите три години го уценувала поранешниот вонбрачен партнер, барајќи му 7.000 евра, заканувајќи се дека во спротивно ќе ја извести неговата сопруга за нивната врска и за детето кое наводно било негово. 

СВР Куманово поднесе кривична пријава против Н.С.(28), С.А.(28) и Р.Б.(30), сите од Крива Паланка, поради постоење основи на сомнение за сторено кривично дело ,,тешка кражба’’. Во период од 2023 година до 17.12.2024, пријавените со употреба на физичка сила и подесен алат влегле во куќа во Крива Паланка и одзеле пари и други предмети и се стекнале со противправна имотна корист од околу 220.000 денари.

СВР Куманово поднесе кривична пријава против Д.Ѓ.(25), Б.Д.(27) и двајца малолетници, сите од Куманово поради постоење основи на сомнение за сторено кривично дело „насилство“. На 04.01.2025 на бензинска пумпа во Куманово, пријавените физички нападнале двајца други малолетници од Куманово.  

СВР Битола поднесе кривична пријава против У.А.(38) од Ресен поради постоење основи на сомнение за сторено кривично дело ,,насилство’’. На 12.02.2025 во угостителски објект во Ресен, пријавениот физички ги нападнал К.Н. од село Јанковец, ресенско и П.Н. од Ресен.     

СВР Штип поднесе кривична пријава против В.М.(38) од Кочани поради постоење основи на соменение за сторено кривично дело „демнење“. После прекинувањето на врската,  пријавениот продолжил телефонски да ја вознемирува неговата поранешна партнерка и да и испраќа пораки на неа и на нејзиното дете. 

СВР Велес поднесе кривична пријава против Н.Ј.(32), З.П.(36) и Т.П.(34), сите од Кавадарци, поради постоење основи на сомнение за сторени кривични дела „загрозување на сигурноста” и „ширење на расистички и ксенофобичен материјал по пат на компјутерски систем“. На 17.02.2025, првопријавениот преку социјална мрежа упатил закани на началникот на Надворешната канцеларија за криминалистички работи Кавадарци, а со коментари се приклучиле и второ и третопријавениот.

СВР Скопје поднесе кривична пријава против А.А.Г.(22) од Скопје поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“. На 18.03.2025 во Скопје, полициски службеници извршиле претрес во домот на пријавениот, при што била пронајдена и одземена марихуана.  

СВР Охрид поднесе кривична пријава против И.А.(31) од с.Требиште, општина Маврово Ростуше, поради постоење основи на сомнение за сторено кривично дело „овозможување на употреба на наркотични дроги’’. На 28.12.2024 во Дебар, полициски службеници извршиле преглед на патничко возило во кое бил пријавениот и уште три лица, при што била пронајдена и одземена марихуана, која пријавениот им овозможил да ја користат. 

СВР Тетово поднесе кривична пријава против Ф.С.(22) и Р.Р.(30), двајцата од Гостивар, поради постоење основи на сомнение за сторено кривично дело „лажно пријавување на кривично дело“. На 12.08.2024, пријавените лажно пријавиле дека на мост од река Вардар во Гостивар биле удрени од патничко возило, кое го напуштило местото на несреќата.

На 31.03.2025 на различни локации во Скопје, полициски службеници од СВР Скопје ги лишиле од слобода С.В.(29) од Штип, К.Ј.(25) од Скопје и малолетник од Скопје, затоа што кај нив биле пронајдени и одземени марихуана и прашкаста материја. По целосно документирање на случаите, ќе следуваат соодветни поднесоци. 

На 31.03.2025 во 17.30 часот на Граничен премин Деве Баир, полициски службеници го лишиле од слобода Б.М.(30) од Косово, затоа што при пасошка контрола и проверка било констатирано дека на увид приложил фалсификувана возачка дозвола. Лицето било задржано во Полициската станица Крива Паланка за понатамошна постапка. 

На 31.03.2025 околу 13.40 часот во СВР Скопје било пријавено дека на ул.„Благоја Стефковски“ во Скопје, автобус удрил во електричен тротинет, управуван од Е.А.(51) од Скопје, по што возачот со автобусот го напуштил местото на настанот. Во несреќата со тешки телесни повреди се здобила Е.А., констатирани во Градската општа болница „Св.Наум Охридски“. Извршен бил увид од увидна екипа од СВР Скопје и се преземаат мерки за расчистување на случајот. 

На 31.03.2025 во 22.29 часот во СВР Скопје било пријавено дека во  населба Драчево настанал пожар во куќа во која живеел В.М.(40) од Скопје. Повредени лица нема, а пожарот бил изгаснат од екипа на Бригадата за противпожарна заштита Скопје. Увид извршила екипа на СВР Скопје. 

На 31.03.2025 околу 21.10 часот во СВР Скопје било пријавено дека во спортска обложувалница на подрачјето на населба Бутел во Скопје, едно лице со закана кон вработениот одзело пари од дневниот промет и од сефот. Се преземаат мерки за расчистување на случајот.  

На 31.03.2025 околу 22.15 часот во Полициското одделение Петровец, М.Б.(42) од с.Петровец пријавила дека од домот се оддалечила нејзината ќерка М.Б.(14). Се преземаат мерки за пронаоѓање на лицето.

На 31.03.2025 во 20 часот во Скопје, на подрачјето на Гази Баба, полициски службеници од СВР Скопје го лишиле од слобода Б.Т.(46) од Гевгелија, постапувајќи по претходна пријава од 52-годишна жена дека ја измамил за сума од 3.000 денари. Според пријавеното, тој се претставил како полициски службеник и роднина на повредено лице од Кочани,  кое било во клиника во Комплексот клиники „Мајка Тереза“ и дека бил сместен во згрижувачки дом на подрачјето на Гази Баба, при што од неа побарал пари за да купи спрејови за роднината. Ккао што е пријавено, таа му дала пари, но откако не приложил  фискална сметка, сфатила дека била измамена. По целосно документирање на случајот ќе следува соодветна пријава. 

На 31.03.2025 во 17.40 часот во Скопје, полициски службеници од СВР Скопје го лишиле од слобода П.Ј.(45) од Скопје, постапувајќи по претходна пријава дека во семејниот дом на подрачјето на Кисела Вода, со остар предмет упатувал закани на неговата 40-годишна сопруга, со која бил во бракоразводна постапка. По целосно документирање на случајот ќе следува соодветна пријава.  

МВР

_____________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки