Манчестер, 24 декември 2024 (МИА) - Мејсон Маунт повторно е надвор од терените подолго време поради повреда. Фудбалерот од средниот ред на Манчестер јунајтед моментално заздравува од повредата заработена на дербито со Манчестер сити (2:1). Маунт беше принуден да го напушти теренот во 14. минута.

Според „talkSPORT“, клубот стравува дека 25-годишниот играч може да пропушти неколку месеци и нема да се врати до март. 

Ова е втора повреда на Маунт оваа сезона: во август и септември тој пропушти три натпревари на Манчестер јунајтед поради повреда.

Маунт пропушти 27 натпревари минатата сезона поради повреда, а во тековната сезона одигра само 12 натпревари. зс/

Фото: ЕПА