Кочани, 26 март 2026 (МИА) - Црвен крст на Македонија – Општинска организација Кочани денеска ја реализираше редовната мартовска крводарителска акција.

На акцијата крв даруваа 46 крводарители од кои 10 млади лица.

Акцијата е четврта што ја спроведува Црвен крст Кочани во тековната година и истата се одржа со поддршка на екипа од Институтот за трансфузиона медицина – Штип.

Граѓаните може да даруваат крв секој последен четврток во месецот во Црвен крст Кочани или секој понеделник и четврток во Службата за трансфузиона медицина во кочанската болница. ис/сст/

фото: Црвен крст Кочани