Париз, 21 март 2022 (МИА) - Персоналот во нуклеарната централа во Чернобил е заменет за првпат од почетокот на руската инвазија на Украина, соопшти синоќа Меѓународната агенција за атомска енергија (МААЕ). - Околу половина од персоналот во седиштето на Украина конечно можеше да си замине дома и беше заменет со друг украински персонал, како што ја информираше Украина меѓународната агенција, изјави во соопштението генералниот директор на МААЕ, Рафел Гроси. Руските сили ја презедоа контролата врз фабриката на 24 февруари, но околу 100 украински техничари кои ја завршуваа ноќната смена останаа во фабриката и продолжија да вршат секојдневни операции. Дневната смена не можеше да ги замени. Во централата се наоѓа радиоактивен отпад од 1986 година, кога се случи најстрашниот нуклеарен инцидент во историјата. „Тие беа таму предолго. Искрено се надевам дека и преостанатиот персонал од оваа смена наскоро ќе може да ротира“, вели Гроси во соопштението. МААЕ сè уште не добива далечински пренос на податоци од нејзините системи за надзор во Чернобил, но овие податоци и се пренесуваат од други нуклеарни централи во Украина. паг/