Лос Анџелес, 1 јануари 2025 (МИА) - Леброн Џејмс стана првиот во историјата кој почнал да игра во НБА како тинејџер и останал во најдобрата светска лига и откако наполнил 40 години.

Ова стана факт во поразот на Лос Анџелес Лејкерс со 110:122 од Кливленд Кавалирс во средба од регуларниот дел од сезоната во НБА.

Џејмс дебитираше во Лигата на 18 години, а на 30 декември наполни 40 години. Вчера тој постигна 23 поени за Лејкерси, но 27-те поени на Џерет Ален им помогнаа на Кавалирс да ја забележат осмата последователна победа.

Во својата славна кариера, Џејмс има 4 шампионски титули во НБА, а исто така 4 пати беше избран за МВП во своите 22 сезони, споделувајќи го ова достигнување и со друга легенда - Винс Картер.

Кавалирс се на врвот на Источната конференција, додека Лејкерс се седми на Западот. дс

Фото: Архива