Лајпциг испрати понуда до ПСЖ за Диало
Лајпциг, 31 август 2022 (МИА) - Лајпциг е заинтересиран за дефанзивецот на ПСЖ, Абду Диало. Според инсајдерот Фабрицио Романо, германскиот клуб веќе дал понуда за трансфер на 26-годишниот играч. Сега се разговара за можноста за изнајмување дефанзивец со опција за откуп.
Претходно беше објавено дека Диало одбил да премине од ПСЖ во Милан.
Сенегалскиот фудбалер за францускиот клуб настапува од 2019 година. За тоа време одигра 75 натпревари за тимот во сите натпреварувања и оствари четири асистенции.
Актуелниот договор на Диало е до 30 јуни 2024 година.
Порталот Трансфермаркт го цени играчот на 18 милиони евра. зс/
