Скопје, 29 јануари 2025 (МИА) – Голманот на Реал Мадрид, Тибо Куртоа го смета неговиот тим за еден од фаворитите за Лигата на шампионите.

Реал вечер од 21 часот ќе му гостува на Брест во последното коло од групната фаза на елитното фудбалско натпреварување.

-Способни сме да ги победиме најсилните тимови во Европа. Ќе биде тешко да се влезе во топ 8, но сепак сме фаворити. Има уште многу натпревари пред нас. Ќе победиме вечер, па потоа се насочуваме кон следните предизвици, истакна Куртоа.

Реал е на 16. место со 12 бодови, додека Брест е 13-ти со 13 бодови.

Директен пласман во осминафиналето ќе обезбедат првите осум екипи, додека бараж ќе играат тимовите од 9 до 24. позиција. зс/

Фото: ЕПА