Кризен штаб - Куманово: Зголемен број на заразени млади, да се почитуваат мерките
- Поради зголемен број на заразени лица, особено на младата популација и нивните семејства, Кризниот штаб на Куманово апелираше до граѓаните и до сопствениците на угостителските објекти да ги п
![Кризен штаб - Куманово: Зголемен број на заразени млади, да се почитуваат мерките](https://mia.mk/images/20221106142538_big_730x400_99.webp )
Куманово, 23 март 2021 (МИА) - Поради зголемен број на заразени лица, особено на младата популација и нивните семејства, Кризниот штаб на Куманово апелираше до граѓаните и до сопствениците на угостителските објекти да ги почитуваат препораките и мерките од Владата, информираа денеска од Штабот, кој ја одржа 70-тата седница во Општина Куманово.
- Заради зголемен број на заразени, особено млада популација и нивните семејства, апелираме до граѓаните, како и до сопствениците на угостителски објекти и маркети да ги почитуваат сите мерки и препораки од Владата на Република Северна Македонија, поточно, социјална дистанца од два метри, како и да се намалат семејните собири во затворен простор и собири на млади луѓе во поголеми групи, соопшти Кризниот штаб.
Според последните податоци на Министерството за здравство, заклучно со вчера во Куманово има 547 активни случаи на инфицирани со Ковид-19. ам/мс/