Eнкориџ, 16 август 2025 (МИА) - Средбата меѓу рускиот претседател Владимир Путин и неговиот американски колега Доналд Трамп во Алјаска во формат „три на три“ заврши, соопшти Кремљ.
Американскиот државен секретар Марко Рубио и пратеникот Стив Виткоф седеа до Трамп, додека рускиот министер за надворешни работи Сергеј Лавров и неговиот помошник Јуриј Ушаков беа до Путин.

Разговорот за завршување на војната во Украина траеше речиси три часа.

Се очекува разговорите да преминат во проширен формат, со учество на други членови на делегациите на двете земји.
Се очекува руската страна да се придружи на состанокот со министерот за финансии и министерот за одбрана Антон Силуанов и Андреј Белошов, како и специјалниот претставник на претседателот за инвестиции и економска соработка со други земји Кирил Дмитриев, јавија руските медиуми.

Од американската страна ќе присуствуваат министерот за финансии Скот Бесант, министерот за трговија Хауард Лутник, министерот за одбрана Пит Хегсет и шефот на кабинетот на Трамп, Сузи Вајлс. зш/
фото ЕПА