Минхен, 17 април 2025 (МИА) - Тренерот на Баерн, Винсент Компани го коментираше ремито со Интер (2:2) во реваншот од четвртфиналето на Лигата на шампионите. Тимот од Минхен е елиминиран од турнирот.

- Мислам дека во секој случај се претставивме добро. Ни недостигаа многу играчи. Невозможно е да не се спомене ова. Сепак, денес многу работи изгледаа како што треба. Навивачите ни беа неверојатна поддршка. Мислам дека создадовме доволно шанси за да постигнеме повеќе голови од нашите противници. Имаше два моменти кога требаше да играме подобро, но мораме да му оддадеме заслуга на Интер, тие се одличен тим. Суровата реалност е дека домашното финале ќе се одржи без нас. Не можеме да го промениме ова. Но, во оваа пресметка направивме доволно за да ги добиеме овие два натпревара. Ќе се вратиме во Лигата на шампионите за пет месеци, но има уште многу да се направи пред тоа, изјави Компани.

Врз основа на вкупниот резултат од двата натпревари, Интер се пласираше во полуфиналето на Лигата на шампионите и ќе игра против Барселона. 

Првиот натпревар ќе се одигра на 29 април во Шпанија, а реваншот на 6 мај во Италија. зс/

Фото: ЕПА