Кејт Буш на врвот на топ-листата во Велика Британија
Лондон, 22 јуни 2022 (МИА) - Кејт Буш го обезбеди првото место на британската официјална музичка топ-листа, со враќањето на песната „Running Up That Hill“ од нејзиниот петти студиски албум „Hounds of Love“ (1985), благодарение на научно-фантастичната драма на Нетфликс - „Почудни нешта“ (Stranger Things).
https://www.youtube.com/watch?v=wp43OdtAAkM
Песната стигна до број 3 во првото свое издание, но со новата ТВ-серија си најде нови обожаватели меѓу помладите генерации. Уште повеќе, „парчето“ одлично се претставува и на музичките топ-листи во повеќе земји, вклучително и во САД.
Кејт Буш стана позната во 1978 година со својата деби-песна „Wuthering Heights“. Потоа, на 19-годишна возраст, таа ги освои фановите со својот уникатен глас и експресивните танцови движења. Таа со ентузијазам ја коментираше новата популарност на песната и рече дека е обожавателка на научно-фантастичната драма создадена од браќата Мет и Рос Дафер. си/сд/
