Доха, 17 февруари 2024 (МИА) - Разговорите меѓу Израел и Хамас за договор за прекин на огнот во Газа „не ветуваат“ во изминативе денови, изјави денеска премиерот на Катар, клучен посредник во преговорите.

„Верувам дека можеме да видиме дека договорот ќе се случи многу наскоро. Сепак, во изминатите неколку денови навистина нема големи ветувања“, рече катарскиот премиер Мохамед бин Абдулрахман Ал-Тани на конференцијата за безбедност во Минхен.

„Секогаш ќе останеме оптимисти, секогаш ќе продолжиме да настојуваме“, додаде тој, говорејќи на англиски. зш/