Карпентер: Русија планира да ги припои Доњецк и Луганск
- Русија наскоро планира да ги припои самопрогласените народни републики Доњецк и Луганск, тврди американскиот амбасадор во ОБСЕ, Мајкл Карпентер.
![Карпентер: Русија планира да ги припои Доњецк и Луганск](https://mia.mk/images/20221113122318_big_730x400_4.webp )
Вашингтон, 3 мај 2022 (МИА) - Русија наскоро планира да ги припои самопрогласените народни републики Доњецк и Луганск, тврди американскиот амбасадор во ОБСЕ, Мајкл Карпентер.
- Според најновите извештаи, веруваме дека Русија ќе се обиде да ги припои Доњецката Народна Република и Луганската Народна Република, истакна Карпентер во Вашингтон.
Како што тој додаде, во извештаите се наведува дека, потоа, Русија има во план да организира референдуми во средината на мај, јави Би-Би-Си.
Рускиот претседател Владимир Путин годинава ја призна самопрогласената независност на ДНР и на ЛНР. бд/