Кавадарци, 28 август 2026 (МИА) - Меѓународната ликовна колонија „Михајлово 2026" што годинава се одржа по јубилеен 30-пат, беше затворена вечерва во месноста Моклиште кај кавадаречкото село Ваташа. 

- Станува збор за една од најубавите и најдобрите ликовни колонии што се случуваат на Балканот, можеби и во Европа. Оваа година често беше голема затоа што дојдоа повеќе од 30 автори од земјава и странство. Со себе понесоа голем дух, своето духовно творештво на платната и ги оставија своите чувства, така што градот Кавадарци е побогат со шеесетина ликовни дела што се создадени на оваа ликовна колонија - рече кураторот и организатор, ликовниот уметник Владимир Темков. 

Тој се заблагодари на сите општествени одговорни субјекти, кои со години даваат придонес за реализацијата на колонијата. 

Благодарност упати и до ликовните уметници кои твореа инспиририрани од убавините на регионот, на кои им беа доделени сертификати. 

Манифестацијата е поддржана од Министерството за култура и туризам и локалната самоуправа. свд/лв/

Фото: МИА