Велес, 20 септември 2022 (МИА) - Екипи на ЈКП „Дервен“ во текот на вчерашниот ден го исчистија кејот на реката Вардар во централното градско подрачје на Велес.

Воедно извршија кастрење и кроење на обраснато зеленило на патеките и кај детското инклузивно игралиште кај велешко Езеро „Младост“, кое  беше целосно обраснато со трева.

Во рамки на  чистењето на велешките улици темелно беше исчистен и просторот на улиците „Лазо Осмаков“ и „Архиепископ Михаил“.

-Апелираме до граѓаните при посетата на овие рекреативни центри да се грижат за животната средина и сметот што го прават при нивна посета да го фрлат во поставените канти за отпадоци, велат од ЈКП „Дервен“. ад/дма/